November 23, 2020, Monday
२०७७ मंसिर ९, मंगलवार
ताजा अपडेट
ताजा अपडेट ×
P tv

रेखाबारे २५ जानकारी

रेखाबारे २५ जानकारी

१. १० अक्टोबर १९५४ मा जन्मिएकी फिल्म अभिनेत्री रेखा तमिल अभिनेता जैमिनी गणेशन र तेलुगु अभिनेत्री पुष्पावलीकी सन्तान हुन् ।

२. रेखाको जन्म र पालनपोषण चेन्नईमा भयो । उनको नाम भानुमति रेखा राखिएको थियो ।

३. रेखा तेलुगुलाई आफ्नो मातृभाषा मान्छिन् र हिन्दी, तमिल र अंग्रेजी पनि निकै राम्रोसँग बोल्छिन् ।

४. रेखा जन्मिँदा उनको आमा–बुवाको विवाह भएको थिएन र उनका पिताले उनलाई आफ्नो सन्तानको रुपमा स्विकारेका थिएनन् ।

५. रेखालाई अभिनयमा कुनै रुचि थिएन तर घरमा आर्थिक समस्याका कारण उनले पढाई छोडेर अभिनय गर्नुपरेको थियो ।

६. रेखाले १२ वर्षको उमेरमा एक तेलुगु फिल्मबाट आफ्नो करियरको सुरुवात गरेकी थिइन् । त्यसको तीन वर्षपछि उनले एक कन्नड फिल्मबाट नायिकाको रुपमा अघि बढिन् ।

७. रेखाको पहिलो हिन्दी फिल्म अंजाना सफर थियो । यसमा उनीसँग विश्वजीत हिरो थिए ।

८. रेखाको पहिलो फिल्ममा एउटा चुम्बनको दृश्य थियो जसले उनलाई चर्चामा ल्याइदियो । फिल्म सेन्सरशीपको समस्यामा फसेर करिब १० वर्षपछि ‘दो शिकारी’ नामबाट रिलिज भएको थियो ।

९. रेखा आफ्ना सुरुवाती फिल्मका बेला ‘काली र मोटी’ थिइन् । उनका अनुसार उनलाई ‘अग्ली डकलिङ’ (हाँसको नराम्रो बच्चा) भनिन्थ्यो ।

१०. रेखाकी एक आफ्नै बहिनी र ५ सौतेनी भाइ बहिनी छन् । उनका पिता जैमिनी गणेशन नै थिए ।

११. रेखा सधैं संसार घुम्न चाहन्थिन् त्यसैले यसै कारण उनी एयरहोस्टेज बन्ने सपना देख्थिन् ।

१२. रेखालाई मेकअपको अत्यधिक शौक थियो त्यसैले उनका एयरहोस्टेज साथीहरु उनका लागि विदेशबाट मेकअप किट लिएर आउँथे ।

१३. कान्वेट स्कूलमा आइरिस ननसँग शिक्षा प्राप्त गर्नेबेला रेखा नन बन्न चाहन्थिन् ।

१४. करियरको सुरुवाती समयमा रेखाले तेलुगुको बी र सी ग्रेड फिल्ममा पनि काम गर्नुपरेको थियो ।

१५. रेखाले उद्योगपति मुकेश अग्रवालसँग विवाह गरेकी थिइन् । विवाहको ६ महिनापछि नै मुकेशले आत्महत्या गरेका थिए ।

१६. फिल्मी करियरका बेला रेखाको नाम अमिताभ बच्चन, राज बब्बर, विनोद मेहरा, नविन निश्चल, जितेन्द्र, यश कोहली, शत्रुघ्न सिन्हा र अक्षय कुमारसँग जोडियो ।

१७. रेखाले विनोद मेहरासँग विवाह गरेको खबर पनि सार्वजनिक भएको थियो तर रेखाले यो खबरलाई ठाडो अस्विकार गरिन् ।

१८. रेखाको नाम सञ्जय दत्तसँग पनि जोडिएको थियो जो उनीभन्दा ५ वर्ष कान्छा छन् । यस विषयमा रेखाले एकपटक भनेकी थिइन्, ‘मैले अमिताभ बच्चनलाई देखाउनका लागि सञ्जय दत्तसँग दोस्ती गरेकी थिएँ ।’

१९. अमिताभ र रेखा एक–अर्कासँग निकै नजिक रहे । अमिताभको संगतमा रेखाको व्यक्तित्वमा गज्जबको परिवर्तन आयो । उनी आफ्नो लुकप्रति सजग भइन् र जीवनलाई हेर्ने उनको दृष्टिकोणमा पनि परिवर्तन आयो ।

२०. रेखालाई डबिङको पनि शौख छ । उनले नीतू सिंहका लागि फिल्म याराना र स्मिता पटेलका लागि फिल्म वारिसमा डबिङ गरेकी छिन् ।

२१. रेखालाई गीत गाउने पनि अत्यधिक शौख छ र उनले सङ्गीतकार आर डी बर्मनको आग्रहमा फिल्म खूबसूरतमा दुईवटा गीत गाएकी छिन् ।

२२. रेखाको कुनै पनि स्टाइलिस्ट छैनन् । उनी आफ्नो लुक आफै छान्ने गर्छिन् ।

२३. रेखा समयको निकै पक्का छिन् । उनी सबै स्थानमा तोकिएको समयमा नै पुग्छिन् ।

२४. रेखा र हेमा मालिनी निकै राम्रा साथी हुन् । रेखा हेमा मालिनीको स्पिड डायलमा छिन् ।

२५. रेखा पहिलो नायिका थिइन् जसले जिम जान सुरु गरेका थिए । रेखाले जिममा बेसिक एक्सरसाइजको सुरुवात गरेकी थिइन् । उनी योगमा पनि माहिर छिन् ।